KMF және "KMF-Демеу" үшін Қазақстан халқының Тілдері күнін өткізу игі дәстүрге айналды. Әр күз сайын өткізілетін жарқын да қуанышты шараны Тараз қаласының тұрғындары нағыз мейрам ретінде қабылдайды.
Аталмыш шара 27 қыркүйек күні дәстүр бойынша Рысқұлов ат. Орталық саябақта өтті. Жамбыл филиалының қызметкерлері Қазақстанда тұратын әрбір ұлттың бірегейлігін паш ететін қойылымдар әзірлеп, осы мерекеде көрермендерін өз өнерлерімен тәнті етті. Бағдарламаны дайындауға шамамен екі ай уақыт жұмсалды.
